Баргызбаш

Сборник №2

Җырлык әле, җырлык әле

Җыр күңелне ача ул

Җырлау күңелне ача ул

Кайгыларны баса ул.

**********************

Җырлык әле, җырлык әле

Барыбыз бергә чакта

Озакламый таралырбыз

Төрлебез төрле якка.

**********************

Җырлык әле, җырлык әле

Җырлык әле иптәшләр

Иптәшләр үзебезнеке

Бәлки гәеп итмәсләр.

**********************

Дускайларым бергә чакта

Күңелле йөргәләдек

Нинди кайгылар булсада

Урталай булгәләдек.

**********************

Ай югары, ай югары

Айга менәсем килә

Айга менеп тубән карап

Сезне күрәсем килә.

**********************

Уйнагыз да, җырлагыз да

Гармун кулларыгызда

Алсу гөлләр чәчәк атсын

Йөргән юлларыгызда.

**********************

Уйна дустым гармуныңны

Утырып, тартыбырак

Әле сагынабыз гына

Саргаербыз соңырак.

**********************

Алсу чәчәк, матур чәчәк

Үссен ашлыклар белән

Чәчәк кебек яшь гөмерләр

Үтсен шатлыклар белән.

**********************

Сулар ага, сулар ага

Сулар ага ник болай

Аккан сулар кире кайтмый

Яшь гөмерләрдә шулай.

**********************

Яңгыр яуа сулар ага

Тәгәрмәч эзе белән

Без китәбез сез каласыз

Әйдәгез безнең белән.

**********************

Утырабыз да китәбез

Ак-идел  бозларына

Күрсәгез сәләм әйтегез

Безнең як кызларына.

**********************

Дусларым бергә чакларда

Уйнашу да көлешү

Җитәр вакыт аерылырбыз

Мөмкин булмас күрешү.

**********************

Бергә чаклар, бергә чаклар

Бергә чаклар бер генә

Бергә чаклар гел бер генә

Кадерен белмибез генә.

**********************

Уйна дустым гармуныңны

Без җырлаган көйләргә

Син уйнаган без җырлаган

Калсын сагнып сөйләргә.

**********************

Җырлык әле, җырлык әле

Җыр күңелне ача ул

Җырлау күңелне ача ул

Кайгыларны баса ул.

**********************

Уйна дустым гармуныңны

Син матур уйнатасың

Уйнатасың, җырлатасың

Күңелне юатасың.

**********************

Уйна дустым җырлык әле

Матур кызлар моңлансын

Моңсызлар да бер моңлансын

Күңелләре сызлансын.

**********************

Гармун тавышлары моңлы

Иртәнге салкыннарда

Һәр көн саен күрер идем

Булсагыз якыннарда.

**********************

Машиналарга утырып

Кайтырмын Казаннардан

Яшь гөмерне сатып алып

Булмый бит базарлардан.

**********************

Машинасы, машинасы

Алдан бара айгыры

Кем булсада сатып алмый

Үз башына кайгыны.

**********************

Ага сулар, ага сулар

Ага сулар арыктан

Кызын озатырга баргач

Куркып качкан сарыктан.

**********************

Әнә килә автомобиль

Син генә утыр инде

Сойгән ярың кырык тугыз

Иллегә тутыр инде.

**********************

Роза гөлем, роза гөлем

Роза гөлем малина

Оча оча куна куна

Барыр идем яныңа.

**********************

Минем тәрәзә төбендә

Бер чәчәксез гөлем юк

Туганнарым сезнең өчен

Җыламаган көнем юк.

**********************

Әнә килә автомобиль

Төягәннәр пыяла

Үзе кызлар белән йөри

Сойләшергә ояла.

**********************

Бенең авыл егетләре

Җидешәр кат өйләнә

Теше коелып бетсәдә

Мин егет дип сөйләнә.

**********************

Безнең авыл егетләре

Аклы күлмәк кимиләр

Кино билетыннан куркып.

Кызлар белән йөрмиләр.

**********************

Чит-чит дидем читкә киттем

Читтә иде теләгем

Чит илләрдә ялгыз башым

Өзелә бит үзәгем.

**********************

Аерылабыз, аерылабыз

Аерылабыз күпкәме

Әллә айга, әллә елга

Әллә мәңгелеккәме.

**********************

Казарма биек булса да

Кошлар оя ясамый

Торган җир матур булса да

Туган җиргә ошамый.

**********************

Җырлик әле, җырлык әле

Ишетсеннәр белсеннәр

Җыелганнар бу табынга

Бер туганнар дисеннәр.

**********************

Ал да булыр чагыбыз

Гөл дә булыр чагыбыз

Без җырламый кем җырласын

Безнең шундый чагыбыз.

**********************

Җырлагыз кызлар, җырлагыз

Җырлап ачыла күңел

Җырлап ачылмаса күңел

Мәңге ачылачак түгел

**********************

Җырлык әле, җырлык әле

Сызлып таңнар атса да

Яшь гөмерләр ике килми

Сулар кире акса да.

**********************

Гармуныңны тартып уйна

Иркен булсын җырларга

Безнең җырлар таралсыннар

Урманнарга, кырларга.

**********************

Җырлык әле, җырлык әле

Җырлык шушы көйләргә

Җырласак шушы көйләргә

Калыр сагнып сөйләргә.

**********************

Су сип дустым гөлләреңә

Су сипмичә корытма

Бергә булган минутларны

Аерылгач та онытма.

**********************

Заман авыр димә әле

Башыңны имә әле

Авыр булса да матур ул

Бу донья дигәннәре.

**********************

Заман авыр димик әле

Уйныйк та көлик әле

Ике тапкыр яшәмибез

Кәдерен белик әле.

**********************

Самовар куйдым күмерсез

Кайнап чыгар күрерсез

Без җырлап сез биемәгәч

Безгә бик тә күңелсез.

**********************

Әй кодалар, кодалар

Кодалар, кодачалар

Сездә ничек бездә шулай

Җырлап күңел ачалар.

**********************

Әллә ал була микән

Әллә гөл була микән

Җырласам янмай йөрәгем

Әллә ял була микән.

**********************

Аллы- гөлле чиләгемнең

Сулары түгелмәсен

Дошман сүзләренә карап

Күңенлең сүрелмәсен.

**********************

Аклы ситса күлмәгемне

Салып куям өстемнән

Дошман сүзен күпер итеп

Тапап йөрим өстеннән.

**********************

Тәрәзәмне ачып куйдым

Җилләр каермас микән

Арабызга дошман кереп

Безне аермас микән.

**********************

Дустым күлмәкләр тектерик

Икебез дә карадан

Дошман түгел җил дә үтмәс

Икебезнең арадан.

**********************

Куляулыгым икәу иде

Берсе суларга акты

Икебезне ике якка

Тормыш дулкыны какты.

**********************

Әй дусларым, дусларым

Дусларым дус ишләрем

Сез дуслардан аерылгач

Ялгыз башым нишләрмен.

**********************

Дуслар килгән җыр тыңларга

Нинди җырлар җырларга

Сездән бер җыр, бездән бер җыр

Капма каршы җырларга.

**********************

Ай дусларым, дусларым

Дусларым, дусишләрем

Бергә булган минутларның

Белегез кадерләрен.

**********************