Баргызбаш

Такмаклар

Әйдә бергә җырлаек

Төрлесен такмакларның

Яшел, зәңгәр, кызылын

Түгәрәк, шакмакларын.

**********************

Әйдә дуслар җырлык әле

Уйнаган гармуннарга

Ал чәчәкләр кебек яшик

Бирешмик кайгыларга.

**********************

Бура башы түгәрәк

Килеп кунды күбәләк

Әгәр ишеткән булсагыз

Әйдә җырлык бергәләп.

 **********************

Ике тавык, бер курица

Көймәдә катаються

Минем кем белән йөреүм

Сиңа не касаеться.

**********************

Тәрәзә аша күрдем

Тастымал элгәнеңне

Әйтмәсәңдә белдем инде

Кем белән йөргәнеңне.

**********************

Әнә килә автомобиль

Төягәннәр попирос

Сөясеңме, сөймисеңме

Конкретный  вопрос.

**********************

Әнә килә автомобиль

Төягәннәр чи кәртә

Чит илләрдә шунсы кыен

Сагындыра кич, иртә.

**********************

Иртән торып тышка чыксам

Таянам кәртәләргә

Таянсам да кәртәләргә

Иркәм юк иркәләргә.

**********************

Минем иркәм бик уңган

Одеколон подарил

Урам аша чыккан чакта

Күсәк белән ударил.

**********************

Әнә килә автомобиль

Тйягәннәр киң каеш

Үз үзеңне әллә кемгә

Куясың понимаешь

**********************

Иртән торып тышка чыксам

Сыер капка башында

Тугә диеп әйткән идем

Очып китте басуга.

**********************

Шырпы кабы, шырпы кабы

Шырпы кабы бушаган

Безнең ауыл егетләре

Шүрәлегә охшаган.

**********************

Биек тауда таш тегермән

Яшь бодай тарта икән

Хатын үзе картаймаса

Ирләр картайта икән.

**********************

Агиделнең агым суы

Агып килә таң белән

Үтә инде гөмерләрем

Глел сагыш, гел моң белән.

**********************

Әбекәем әйт кызыңа

Май астына тоз салсын

Каба орчыгын алсын да

Безгә вечерга барсын.

**********************

Кашың кара булу белән

Күзең кара булмагач

Буләкләрең  чүпкә очсын

Үзең мина булмагач.

**********************

Казаннардан кайткан чакта

Чишмәләр кайсы якта

Уй уйлама җырлар җырла

Эчләрең пошкан чакта.

**********************

Безнең авыл өсләрендә

Йолдыз яна яктырак

Айга да бит йолдыз якын

Син генә миннән ерак

**********************

Куляулыгым юар идем

Ишек алдым күл булса

Көндә куреп кайтыр идем

Җир астыннан юл булса.

**********************

Агиделне аша чыктым

Ак бәкәлле ат белән

Ара ерак, яна йөрәк

Сөйләшәек хат белән.

**********************

Биек тауның башларына

Яткан аю баласы

Ашап, эчеп, уйнап, көлик

Дөнья бездән каласы

**********************

Лимон сары, чия кызыл

Була бит ул пешкәндә

Өзелә минем үзәккәем

Сез исемә төшкәндә.

**********************

Рәт итәм, рәт итәм

Бәрәнге җарить итәм

Егетләр белән гулять итәм

Ирем белән жить итәм.

**********************

Әнә килә автомобиль

Төягәннәр кыярлар

Борыныңны бик күтәрмә

Чиләк эләп куярлар.

**********************

Әнә килә автомобиль

Төягәннәр порошок

Төне буе утырабыз

Бер – беребезгә карашып.

**********************

Стаканың крлы – мырлы

Тоткасы юк тотарга

Мин җырлыймын, син эчеп куй

Рәхәт булсын йөтарга.

**********************

Роза гөле иң матур гөл

Гөлләрнең падишасы

Их җаныем бик сагындым

Ничекләр кавышасы.

**********************

Авыл капкасын кем ачты

Сарыклар чыгып качты

Кеше хәлен кеше белми

Минем корсагым ачты.

**********************

Кимә итек, ки чабата

Чабата тиз атлата

Тиз атлаган киленнәрне

Кайнаналар ярата.

**********************

Яшь киленнәр борынгыдан

Иртә торырга тиеш

Кайнанасы торуына

Чәйләр куерга тиеш.

**********************

Кайнананың комганында

Җылы су өзелмәсен

Килен кеше йөгереп торсын

Атлап кына йөрмәсен.

**********************

Тар басмадан су алганда

Беләкләрең талмасын

Безнең хәтер калса калсын

Коданыкы калмасын

**********************

Син устердең кызыңны

Мин үстердем улымны

Гөмерлеккә тату яшик

Бир кодагый кулыңны.

**********************

Синең нурлы йөзләреңне

Көндә күрәсем килә

Йөрәгемдәге серемне

Сиңа сүләсем килә.

**********************

Үтте дә китте яшьлегем

Үткәнен дә  тоймадым

Я үтмә дип, я китмә дип

Үзен бер дә тыймадым.

**********************

Бөгелә каен, бөгелә каен

Матур бөгелмәсәдә

Күңелем уйлый, эчем өзлә

Сезгә сизелмәсәдә.

**********************

Тәрәзәдән җилләр исә

Чәчәкләргә кагылып

Шул чәчәкләр арасыннан

Сезне эзлим сагынып.

**********************

Тәрәзәдән җилләр иссә

Исле гөлләр бөгелә

Бергә чаклар искә төшсә

Минем эчләр өзелә.

**********************

Кулларыңа чәчкә тотып

Агидел буен буйла

Җилләр исеп тал тибрәнсә

Мин сагына дип уйла.

**********************

Биек тауның башларында

Сызганып урак урдым

Әйткән сүзләреңне тыңлап

Истәлке язмак булдым.

**********************

Тәрәзәмдә сандугач

Очып китә сайрагач

Җырлау түгел еларсыңда

Өзлеп – өзлеп сагынгач.

**********************

Үткен икән чалгыгыз

Мәк чәчәген чабыгыз

Өзлеп – өзлеп искә төшә

Бергә үскән чагыбыз.

**********************

Сәхрәләргә чыктым исә

Ал чәчәкләргә карыйм

Ал чәчәкләр сезнең төсле

Алып түшемә кадыйм.

**********************

Җир җиләкләре коелыр

Урман юлы тапалыр

Көтәлмим сине гөмергә

Мәхәббәтем саф калыр.

**********************

Кызлар кия кызыл ыштан

Безгә карасы да юк

Хәзер кызлар үзе килә

Барып аласы да юк.

**********************

Ике тычкан кочаклашып

Кереп китте тишеккә

Ике тычкан кавышканны

Кавышырбыз ничектә.

**********************

Шәхәрләрдән кайткан чакта

Кулларында сумочка

Сумочканың эчләрендә

Биш тиеннек булочка.

**********************

Авыллардан киткән чакта

Кулларында чимодан

Чимоданның эчләренә

Сыер гына сыймаган.

**********************

Татарча  - кая барасың?

Урысча – куда идёшь?

 Сөйгән ярың ташлап китсә

Пожалуй сума сойдёшь.

**********************

Китәм инде, китәм инде

Китәм инде каласың

Мин киткәчтән кемнәр сөяр?

Син тәре баганасын.

**********************